Кешенді экологиялық бағдарлама

Қоғамның 2007 – 2010 жылдарға арналған кешенді экологиялық бағдарламасы аясында қоршаған ортаға жағымсыз әсердің алдын алуға, оны тұрақтандыруға және сапасын жақсартуға, сондай-ақ Қоғам қызметшілерінің қоршаған ортаны қорғау саласындағы біліктілігін арттыруға бағытталған іс-шаралар жүргізілді.

2008 жылғы шілдеде Қоғамда ISO 14001:2004 «Экология менеджментінің жүйесі – қолдану бойынша талаптар мен жетекшілік» халықаралық стандартына сәйкестікке қайта сертификаттау өткізілді.

Қазақстан Республикасының Экологиялық колексінің талаптарына, ISO 14001:2004 халықаралық стандартының ережелеріне сәйкес, сондай-ақ мемлекеттік бақылаушы-қадағалаушы органдар тарапынан кінәраттардың алдын алу мақсатында 2008 жылы Шығыс филиал объектілері экологиялық аудиттен өткізілді. Батыс филиал объектілерін экологиялық аудиттен өткізу 2009 жылға жоспарланған.

Бұдан басқа, Қоғамның кешенді экологиялық бағдарламасын орындау аясында жыл сайын мынадай іс-шаралар өткізіледі:

атмосфера ауасын, жер асты, топырақ, жер үсті суларын және қыртыстарды бақылау;
мұнай қойыртпағын және мұнаймен ластанған топырақты қойыртпақ жинауыштардан әкету және кәдеге жарату;
мұнаймен ластанған топырақты жинау және бүлінген жерлерді белгіленген нормаларға дейін қалпына келтіріп, қайта өңдеу;
қатты-тұрмыстық қалдықтар мен сұйық ағындарды әкету және орналастыру;
эмиссияларды нормалау (шекті-жол берілетін шығарындылар, тастандылар, қалдықтар пайда болуы және т.б. нормативтерін әзірлеу), мұнай құбырларын құбырішілік ізерлеу; ақаулы учаскелерін ауыстыру; сұйыққоймаларды зерттеу және т.б.

2008 жылы 11 га бүлінген жер қайта өңделді.