«ҚазТрансОйл» АҚ Ғылыми-техникалық орталығы 2000 жылғы 12 маусымда құрылған.
«ҚазТрансОйл» АҚ Ғылыми-техникалық орталығының негізгі мақсаты:
Жаңа технологиялар мен техникалық шешімдер әзірлеп, оларды одан әрі Қазақстан магистральды мұнай құбырлары жүйесіне енгізуге бағытталған ғылыми-зерттеу, тәжірибелік-конструкторлық және инжинирингтік жұмыстар жүргізу
«ҚазТрансОйл» АҚ Ғылыми-техникалық орталығының бүгінгі күнгі негізгі қызметі:
Қазақстан мұнайын тасымалдау режимін оңтайландыру мақсатында оның геологиялық сипаттамасын зерттеу;
Қазақстан шикізат ресурстары негізінде әзірленген жаңа импорт алмастырушы депрессанттарды және ингибаторларды енгізу;
құбыр көлігі және экология саласындағы жоба-смета құжаттамасын және нормативтік-техникалық құжаттарды әзірлеу;
инновациялық технологияны енгізу жолымен мұнай тасымалдау үдерістерін жетілдіру.
ҒТО-ның мынадай ғылыми-өндірістік құрылымдық бөлімшелері бар:
құбыр көлігінің проблемалары, физикалық-химиялық талдау және экология, мұнай-химия, КамАЗ автомашинасына орнатылған жылжымалы экологиялық зертхана – 4 зертханалық топтан тұратын орталық зертхана;
техникалық бөлім;
жеті топтан тұратын жоба-смета бөлімі;
Стандарттау және метрология, ISO енгізу тобы – 2 топтан тұратын нормативтік-техникалық құжаттама (НТҚ) бөлімі;
Экологиялық қауіпсіздік және қоршаған ортаны қорғау бөлімі.
«ҚазТрансОйл» АҚ Ғылыми-техникалық орталығының директоры – Тимур Құбайысұлы Алдияров.
