Наурыз айында «ҚазТрансОйл» АҚ Павлодар мұнай құбыры басқармасына қарасты «Павлодар» бас мұнай айдау станциясында ерікті-өртке қарсы құрылым мен «Зевс Энерго» ЖШС мемлекеттік емес өртке қарсы қызметі мамандары бірлесіп, әкімшілік тұрмыстық үй-жайында шартты өртті сөндіру бойынша өрт-тактикалық жаттығулар өткізді.
Жаттығулардың мақсаты – жарылыс-өрт қаупі жоғары нысандардағы тілсіз жауды сөндіру барысындағы әрекеттерін жетілдіру, станцияның ерікті-өртке қарсы құрылымы мен өрт сөндіру бөлімінің кезекті қарауылының келісімі мен өзара әрекетін шыңдау, әкімшілік тұрмыстық ғимараттағы шартты отты ауыздықтау бойынша жаттығуларға қатысушыларды тәжірибелік әрекеттерге үйрету және жаттықтыру болып табылады.
– Жаттығулар қорытындысы бойынша мемлекеттік емес өртке қарсы қызмет қызметкерлері мен «Павлодар» станциясының мамандары алға қойған мақсатқа қол жеткізді. Ұйым өртті ескерту және сөндіру тапсырмаларын орындауға дайын екендіктерін көрсетті, - дейді «ҚазТрансОйл» АҚ Павлодар мұнай құбыры басқармасының өрт қауіпсіздігі жөніндегі инженері Ермек Байзақов.
Аталмыш оқу-жаттығуларға он жеті адам қатысты.
